1. apollo programı başladılana qədər müxtəlif orbital manevrləri, texnologiyaları və sağ qalma metodlarını təcrübədən keçirmək üçün 1965-1966-cı illərdə amerika birləşmiş ştatları tərəfindən həyata keçirilən insanlı kosmik araşdırmalar programıdır. program çərçivəsində 10 uçuş həyata keçirilmişdir. uçuşlar zamanı iki insanlı gəmi arasında, bir gəmi və bir süni peyk arasında rendezvous manevrləri yoxlanılmış, ilk dəfə amerikan astronaftlarının gəmidən çölə, açıq fəzaya çıxması baş vermiş (bax: eva)

, bu zaman kostyumlar sınaqdan keçirilmiş, bundan başqa gemini 7 vasitəsi ilə iki həftəlik uçuş həyata keçirilmiş, bu müddətdə astronaftların sağ qala bilməsi təsdiqlənmişdir.
gemini programı gözləniləndən daha uğurlu bir program olmuşdur və apollo programı üçün vacib olan təcrübənin yığılmasına səbəb olmuşdur.
uçuşların heç də hamısı qarşıya qoyulan məqsədə çatmamışdır. bir neçəsi texniki problemdən dolayı, gemini 8 missiyası isə idarə etmə probleminə görə qəzaya uğrayıb. gəmini idarə edən astronaftlardan biri də məşhur neil armstrong olmuşdur. birləşmə manevri zamanı gəmi yerində şiddətlə fırlanmağa başlayır. amma bu qəzanı da ötüşdürmək mümkün olur. astronaftlar sağ qalırlar. belə qəza hallarının da uğurla sovuşdurulması gemini programının nasaya verdiyi təcrübələr arasında saymaq olar.